Transcription
1
Monseigneur, les habitans de Loriol de la pretendue
2
religion refformée m’ont faict appeller par devers
3
le privé conseil de sa majesté à l’occasion de certeynes
4
inhibitions à eulx faictes le XVIIIe jullet 1571 de ne
5
fère l’exercisse de ladite religion audit lieu. Vous
6
envoye coppie de leurs lettres adjornement et du
7
procès verbal contenant lesdites inhibitions. J’espère
8
dans peu de jours aller par dever vous pour en
9
recepvoir voz advis et commandementz.
10
Icy n’a passé aulcun d’Orenges qu’on aye peu scavoir.
11
Bien dict l’archier qui ha esté audit Aurenges que Pierre Sené
12
dit Motet, dudit lieu, luy dict [que] il vous plaisoit envoyer
13
quelcun audit lieu pour fère arrester les deniers entre les
14
mains de celluy qu’a achapté le vintein qu’on ha imposé
15
audit Orenges, que seriés payé incontinant ; dict
16
aussi qung nommé Martin Vigne, d’Oze, l’ung des comprins
17
en votre obligation, s’en doibt aller en brief devers
18
monsieur de Saint-André à Grenoble pour quelque procès.
19
L’archier arrivat hier au soir, qui estoit allé devers vous
20
aportant provision d’ajournement personnel par devant la court
21
contre ung nommé Pons Corbis, marchant nommé aux informations
22
fesant escorte au corrier de ceste ville ; et contre ledit
23
corrier n’y ha provision parce que par lesdites lettres on
24
presuppose ledit Corbis estre le corrier, que n’est.
25
Ce pourteur ha charge poursuivre provision contre ledit corrier
26
qui fist prisonnier ledit archier et le desarmat.
27
Le dix neufvieme du present, sortis hors de ceste ville assés
28
matin pour aller fère voller une perdris à votre tiercellet
29
de faulcon, appellé aultrement laneret parce qu’on
30
[v°] le cognoit pour tel à la première perdris. La fiebvre me
31
print et ne le peus suivre si vivement comme j’eusse deus,
32
et fust prins à la remise par ung talleur de ceste ville
33
nommé Pierre Doches ; et se retirant à la ville avec ledit
34
oyseau, treuvat le maistre d’hostel de monsieur de Suze qui
35
le luy ostat ; et pour n’avoir esté adverty du jour
36
mesme, il passa et s’en allat. Du lendemain y
37
envoey home exprès à Suze, qui n’est encores venu.
38
Ledit maistre d’hostel est monsieur de Lavagnieu. Priant
39
Dieu, Monseigneur, vous avoir en saincté très heureuse
40
et longue vye. De Valence, ce XXIIIIe d’aoust 1572.
41
Votre très humble et
42
très obeissant serviteur
43
S. de chastellar